Moi rostomili trocha skokom po alfabecie, coby sie wom naszo godka nie zmierzła i była ciekawo. To taki mini elemyntorz -elementarz naszyj godki.
Kej pomyśla ło tyj literce, zarozki mi sie wspomni Ecik ( z śląskich wiców= żartów ). Ecik to Edek, Edzio, tak u nos mianują.
Inksze imiona śląskie to Erna ( Ernestyna) , Ela (Elżbieta )
Erna coś erbła na geburstag ? Erna, co dostałaś na urodziny?
Bo erbnonć, to dostać, odziedziczyć, abo zrozumieć. A erplich to spadek, np przikład po tancie=ciotce z Enerefu ( NRF – dawny , obecnie Niemcy).
Inksze co mi się wspomni, to elefant .
Łazi choby elefant we sklepie ze szkłym =chodzi jak słoń w sklepie ze szkłem.
Ślązoki som pracowite i nieroz trefi sie elektrykorz = elektryk ; ale eszcze = jeszcze , som tyż lebry ( leniwi , chuncwoty), a ci co majom robota eli ni ( albo nie ) majom roboty- to som elwry = bezrobotni. No, elwer to tyż rzut karny w fusbalu ( piłce nożnej).
Eliby ( gdyby ,jeśliby) wom sie bydzie podobać tako forma pisania o gwarze,to byda dalyj pisać, skryflnijcie (napiszcie) jakieś posty czy wom sie to widzi ( podoba) eli nie.
Niedługo Świynta i Ślązoki bydom szli na mszo,a potym w doma czytać Ewangelio (Ewangelię).
I tyle na dzisio, zaś napisza kolejny felieton.
Patrzcie tam jako ( uważacie na siebie , do zobaczenia ).
Wasza Johanka
