„Po naszymu, czyli po śląsku” 

1
4171

Kożdy kiery przyjedzie na Śląsk zaroz się skapnie, że my  Ślązoki godomy inaczyj. W niekierych regionach naszego regionu sie nie  godo, ale „rządzi” abo „rozprawio”. Ciekawe jest tyż to, że nie w kożdym regionie godka  jest tako samo.Jak ci wtoś powie u nos : „kucnij” –to  twoja reakcja na to polecynie  nom, Ślązokom godo zarozki, wtoś ty je. Bo richtig Ślązok zakaszle, a Polok zrobi przysiad.:). „Nie- Ślązoków” nazywomy gorolami, a nie złośliwie, ale do łozróżnienio , że nie som tymi co godają, czyli hanysami.

Niekierzy, w tym jo nie przepadom za takim podziałem. Nie godom do żodnego per gorol, ani nie lubia być nazywano hanyskom.

Żyjymy zgodnie wszyscy jak we familii, bo Ślązoki som pracowite i życzliwe ludziom. Som my prości, pomogymy kiej trza.Nie lubimy się tropić, wolymy robić szpas. Jo od bajtla godom po śląsku, nie forszteluja się inaczyj godać , myśla i czuja po śląsku. Ale nierozki niewtorzy som w szoku jak zaczynom godać blank po polsku, a jo po prostu łotwierom tako klapka w gowie i sie przestawiom.

W nastympnych wpisach trocha wos naucza godać po naszymu!

1 KOMENTARZ

ZOSTAW ODPOWIEDŹ

Proszę wpisać swój komentarz!
Proszę podać swoje imię tutaj