Witejcie moi rostomili, dzisiej kolejny felieton połonczony z nauką godki śląskiej. Napisza ło literkach c i ć, to co jeszcze żech nie obgodała. Dzisio zakończo te literki.
Czynść piyrwszo
Dzisio piyrwsze skojarzynie na c to: cygarety ( papierosy), bo akurat żech otwarła łokno, a somsiod kurzył (palił ) i mie tym smród do góry lecioł…
Drugie skojarzynie to cyganić ( kłamać ), a cygon = kłamczuch. Nie mo to nic wspólnego z mniejszością romską, nie wia czamu ; czymu ( czemu) tak godomy.
W szkole nieroz sie dostowało cwaja, cwajka, kiedyś dwojka, a terozki to nojgorszo jest jedynka. Jak sie wspomna, to chopcy nieroz robili wice (kawały ) kamratom ( kolegom ) i dowali cwek na zic ( siedzenie ), kaj ftoś (ktoś ) mioł zicnonć ( gdzie ktoś miał usiąść). To boło gupie ( głupie), ale co sie myśli taki mały cwerg ( krasnoludek, coś małego ) w piyrwszyj klasie podstawówki? Ale jak czelodka ( grupa kolegów) robi gupoty, to razym, czechmon (diabeł, czort) kusi.
Dodom od sia, że u nos czynsto ( często) cwergi (krasnoludki) z gipsu abo drewniane wstawiomy do łogródka dlo ozdoby.
Obleczenia ( ubrania ) i inksze
Tak jak kusi zimom nie nosić czopki , copki ( czapki ) , choć matula przezywo potym , bo ryma (katar) gwarantowano.
Czynsto ( często ) słowo cycek, cycki to u nos pierś, piersi, a przy okazji cycyhalter to biustonosz; cwiter, cwiterek ( sweter, sweterek);cwinga =klamra . Z ciekawostek: cyferblat -tarcza zegara albo twarz.
„Jak cie mazna w cyferblat”.
Jak ftoś chodził do szkoły muzycznym to wiy że cyja to akordeon.
Cysorz to cesarz, a czeski , ceski to 10 groszy; czosać =czesać; czwortek, szwortek, sztwortek– czwartek.
Czorne kluski na Śląsku, to som kluski ziemniaczane z dodatkiem surowego kartofla, bestóż ( dlatego) som po ugotowaniu czorne . Do rolady i klusek jymy ćwikel, ćwikła ( buraczki )
Literka ć
Pierwsze to : ćma, ćmok– ciemno, ciemność; ćmi sie= zmierzcha.
Popularne jest powiedzynie : ” ćma i biołe myszy „ oznaczające sytuacja bez wyjścia , odpowiednik „pozamiatane”.
Ćwiertka = ćwiartka czegoś; ćwierć = kwadrans ( je ćwierć na trzy) 14.15
Taki oferma, to u nos ćmiyl abo ćwok.
A na koniec…
A na koniec pożegnom Wos wyrazem ciompel,cilip , ciambel co łoznaczo ptok, abo wróbel.
Mom nadzieja ,żeście zaś erbli ( dostali) trocha wiedzy w nauce naszyj godki, a mie o to chodzi, cobyście nie zapomnieli ich, i nos Hanysów rozumieli.
Pozdrowiom
Johanka
Inksze lekcje znajdziecie na tyj stronie oto przikład:
Wszystkie fotografie żech sama klipsnyła : jo – Johanka.
