Dzisio kolejno lekcja godki, obiecuja sie lekko poprawić, bo nie miałach czasu pisać, ale byda to robić czynściyj, a wiam, że pszajecie godce (kochacie gadkę ) i chcecie coś erbnyć ( otrzymać, przyswoić ) z jej gryfności ( piękna).
Nie ma za dość wyrazów na ta literka, no to jadymy ( jedziemy ) z tym koksym.
Jak myśla ło tyj literce, to sie mi wspomnino imię Edward, a my, Hanysy godomy po prostu Ecik, a (miano) imię Erna to sie biere ( pochodzi) łod Ernestyna.
Fajne ksiożnki ło Śląsku i nie tylko znojdziesz tukej
Inkszy wyraz to elefant, co łoznaczo słonia.
Na elementarz my godomy elementorz, a elektryk na Ślązku to elektrykorz.
Kej ftoś nie mo roboty to je elwer ( bezrobotny).
Jak ftoś powiy cosik o Ewangelii, my godomy Ewangelijo.
Kej ci umrze tanta ( ciotka) w Enerefie ( dawnym NRF), to mogesz dostać erplich po łonyj ( spadek po ciotce), abo eszcze ( jeszcze) i gelt z fuzekli (pieniądze ze skarpety ).
Inksze wyrażynia na e:
eli, eźli, jeśli łoznaczo: czy, albo,. o ile, jeżeli;
eliby – gdyby , jeśliby.
Erlyjz to zamawianie, zaklepywanie podczas zabawy bajtli ( dzieci)
Nie umia wjyncyj sie przypomnonć wyrazów na e.
No i to by by boło na tyle.
Mom nadzieja, że sie podobało, a ja byda dalyj szarajbować ( pisać ) bo jak jo zawsze godom, po śląsku pisza, myśla, godom i śnia i nie idzie sie tego nauczyć, bo moja ślonsko dusza pszaje godce śląskiej, pszaje jak pieron!
Wasza Johanka
