Wzgórze Ciszy- ło toszeckim zomku…

0
764
fot.Johanka

Dzisio przedstawiom Wom ciekawo praca modego Slonzoka ze Toszka, kiery mie zadziwio talyntym.

Fto żech je?

Nazywom sie Dominik, mom 11 lot i miyszkom w piyknym malowniczym miasteczku Toszek, przy ulicy Józefa von Eichendorffa, kaj niedaleko mojego domy na tak zwanym Wzgórzu Ciszy znajdują się ruiny zamku.

Uczęszczom do piontyj klasy szkoły podstawowyj in.Gustawa Morcinka w Toszku.

W miasteczku miyszkom od siedmiu lot i bardzo rod lotom na zameczek. Siednam się na trowie, zawrzam łoczy i myślam jak tyn zomek mógł, kedyś piyknie wyglądać.

Jak my jeszcze miyszkali u ołpow, to mi ołma opowiadała o tyj historii, beztoż chciołbych napisać o nojciekawszych wydarzyniach, kere zapamiętołech.

Toszek fot. Johanka

Rozmyślanio na zomku…

Właściciele na tym zomku co jakiś czas się zmiyniali. Kożdy z nich rządzioł po swojemu. Jedni byli dobrymi zarządcami, a niewtorzi w nieludzki sposób traktowali swoich poddanych. Jak to zwykle bywo, kożdy zomek posiado swoja bardzo ciekawo historia, a dzieje tego zomku w Toszku są roztomaicie łopisane.

Nazwa ulicy na keryj miyszkom nieftorym się nie podobo, bo dycki adres na kufercie piszą z fyjleroma, ale mie się wydowo, że to chyba nie przypadek, że my gynał tam chałpa wybudowali. Myślam, że z tym zamkym i jego właścicielem cosik tyż mnie łączy.

Josef von Eichendorff to niemiecki poeta romantyczny. Wprawdzie yno sześć lot jego fater boł właścicielem tego zamku, ale on tyż bardzo rod przebywoł w Toszku i uwielbioł godać po śląsku. W wieku 10-lat zacznoł pisać pamiyntnik, choćby moja ołma. Jego żona to Luiza, choby moja mama, z kerą ożynioł się wbrew woli fatra.

Legynda

Jak głosi legynda jedyn z właścicieli za nojmańsze przewinienie wtrącoł podwładnych do lochu, kaj umierali z głodu i pragnienia. Podobno boł ino jedyn parobek bardzo mu oddany i wierny. Niestety tyn borok zatajoł przed panym, że mo piykno cera Radomira, kero pucowała na zamku izby. Władca jak się ło tym dowiedzioł, kozoł pobić tego parobka i ledwo żywego wygnać z Toszka, a ta jego cera zawarł w wieży, kaj bezmaś z głodu i tynsknoty umarła.

Według drugyj wersji wywlykł ta frelka na dziedziniec i udusioł, a ciało wciep do studni. Załomany ojciec jak się ło tym dowiedzioł stracioł cołki rozum, a na łożu śmierci przysiągł zemsta. Przeklął zamek i jego pana. Niedługo potem klątwa się spełnioła, bo na zamku wybuchł wielki pożar, kery doszczętnie spolił wszystko, a pan zachorowoł na nieznano choroba i umieroł w wielkich mynczarniach, zaś duch tyj dziołszki, kery nazwali ,,Biołą Damą” po dzień dzisiejszy ukazuje się kożdego roku w piyrszy dziyń Świont Wielkanocnych o północy, kedy miesionczek oświytlo zamek. Wtedy z podziemi wyłazi piykno frela w zwiywnej biołej szacie i po malutku szpacyruje po dziedzińcu. Zaglondo do okien i pochylo się nad starą studnią, a potym zniko w ciemnościach za basztą.
Na zamku pożar wybuchoł wiyncyj razy, a jednym z takich srogich mioł
miejsce w 1570 roku. Łogyń wtedy strowił całe wnyntrze, ale zomek za kożdym razem zostoł odbudowany.

Złoto kaczka

Drugim bardzo ciekawym wydarzyniem na tym zamku jest legenda o złotyj kaczce za panowania hrabstwa Gashinów. Hrabia Leopold Gashin podarowoł w geszynku swojej żonie złoto kaczka, kero siedziała w koszyczku śrybnie wyścielonym na jedynastu złotych jajcach w kerych skludzone boły dukaty i drogocenne kamiynie.
Żona Leopolda – Gizela Gashin boła bardzo skromno i nie nosioła na sobie kosztowności. Gardzioła tym bogactwym nawet za cyna niewoli. Jednak 29 marca 1811 roku na zamku w nocy zaś wybuchł pożar. Przerażono Gizela, kiedy się obudzioła miała już odciynto droga ucieczki. Wtedy spojrzała na rodzinny łobroz, kaj ukryty boł knefel, kery otwiyroł wejście do podziemi. Przerażono w łostatniej chwili zebrała z komody ta kaczka z jajcami i w trakcie ucieczki skludzioła ją w podziymnym przejściu. Biydoczka zatruła się smyndym i upadła niedaleko wyjścia z lochów. Jak ją znodli podobno resztkami sił padała trzy słowa; kaczka, koszyk, nisza. Hrabina wkrotce zmarła i choć było tela odważnych śmiałkow, to do tyj pory żodyn nie znod tego skarbu.

Marzynia

W przyszłości chcam zostać rolnikiym, abo elektrykiym, ale ciongle marzy mi się poszukiwanie tyj kaczki ze złotymi jajcami. Nie skiż bogactwa, ale czystyj ciekawości. Niestety są trocha za sroge wymagania. Trza się urodzić w niedziela, zaliczyć trzy msze św. w piyrszy dziyń Świont Wielkanocnych, zlyźć do podziymi i schodzić coroz głymbij, żeby dojść do jeziorka, kere trza trzy razy przepłynąć, a dopiyro potym na wysepce ukaże się skarb.
Muszam się zastanowić i dobrze nad tym pomyśleć.

Dominik von Biesiada

ZOSTAW ODPOWIEDŹ

Proszę wpisać swój komentarz!
Proszę podać swoje imię tutaj