Godej po śląsku z Johaną_literka A cd.
Dzisiej obgodomy inksze wyrazy na litera A, z rostomaitych dziedzin.
I tak zaczynomy.
Jak ci sie zdarzy dostać nowe miyszkanie, dlo przykładu ajncla ( kawalerka ,miyszkanie jednopokojowe) to robisz anwajong, czyli jak godają Poloki, oblywanie, czyli impreza, po naszymu fajer. Nieroz podosz gościom ajntopf – gęsto zupa, obiod jednodaniowy.
Mosz w doma nowy :antryj ( przedpokój) ; ausgus ( zlew), aszymbecher ( popielniczka), nowy ajmer , ajmro (wiadro) na kartofle. Ale jak to wiadomo na fajerze różnie bywo, nieroz na drugi dzień, musisz „ciś ” (biec) do aptyki, we kierej urzynduje aptykorz, łon ci do lekarstwo na kaca:) I nie jakieś ańfachowe ( byle jakie, zwyczajne), ale skuteczne!
Ale dowej pozór ( uważej) na abcybilder (naklejka ) na pilach ( tabletkach) cobyś nie przepłacił.Nie możesz zrobić takiego abfala ( błędu).Uważej na gości, niewtorzy nie umiom sie zachować i poradzom utargać i wzionć do dom ablyger, alblyjger ( sadzonka ) z nowego kwiotka, a łon potem tojtnie (umrze).
Ale nie wszyscy mają anong ( nie wszyscy są głupi) i mają ała ( są stuknięci).
Dopiero za pora dni po tym fajerze czujesz się jak prowdziwy Amerykon (Amerykanin) , bo mosz swój dom.