Jak Hyjdla i Ryjzi roboty i szkoły szukały

0
1437
Fontanna Plac Daszyńskiego Opole_ fot.Johanka

 Tak jak terozki piyrwyj ( dawniej ) tyż  kożdy  po  szkole podstawowyj  marzoł, co by  mieć porzondny fach, ale  choć łojcowie nos chcieli szkolić wyżyj to skiż ( z powodu ) biydy jako panowała chciało sie  tym łojcom ulżyć  i  jak nojpryndzej   na siebie zarobić.

Fontanna Plac Daszyńskiego Opole_ fot.Johanka

Szukanie szkoły i myślynie ło przyszłości

Nieftore matki to już  naprzod dlo cery (córki ) szykowały po znajomości  miejsce do wyszkolynio jakiegoś fachu, ale tak richtig ( naprawdę ) to w tym modym wieku interesuje kożdo siksa ( smarkula) wszystko i nic.

Pamiętom jak  do szkoły przyjechoł polsterer (tapicer) i padoł, że dużo dziołchow  się szkoli w tym fachu. No to  my się z moją nojlepszą kamratką  ( koleżanką ) Ryjzi (Tereską ) tak  nakryncioły, że wziyny my łod chopa werbungi (reklamy ) z tych łobciongniyntych sztofym ( powleczonycyh materiałem ) mebli i chciały my na drugi dziyń już jechać ze schulzeitungoma (podaniami na praktykę ).

Fontanna Plac Daszyńskiego Opole_ fot.Johanka

 Na  kożdyj przerwie to my się narodzały jak same w doma łodnowiymy szeslongi (tapczany)   i zice ( siedzenia ) na stołkach.

No, ale  muter ( mama )  mi cało uciecha zepsuła.

Padała ( mówiła ), że mebelmacher (tapicer) to ciynżko robota, bo trza dźwigać, a jo tako licho  to mie chop zaroz wyciepnie ( wyrzuci) .

Potym z  Ryjzi ( Tereską)  chciały my łostać szwołczkoma ( szwaczkami -krawcowymi ), co by my  mogły same szyć i piyknie  sie  stroić, ale nikaj (nigdzie) nos nie chcieli, bo jedna to by, jeszcze  wziyni, a my przeca chciały być do kupy ( razem).

Fontanna Plac Daszyńskiego Opole_ fot.Johanka

 Możno jakby wtoś dorosły z nami chodzioł to by my coś znodli, ale tak to kożdy nos zbywoł.

Dziepiyro ( dopier) ujek łod Ryjzi nom do urbina ( rozumu)  przegodoł, że muszymy sie  rozdzielić i kożdo mo sama szukać, bo łostanymy bez fachu.

Richtig fajne ksionżki ło Ślonsku i nie tylko znojdziecie sam.

 No i tak bez cufal ( przypadek ) znodłach szkoła kolejowo.

Fater robioł w PKS-ie i sie radowoł, że  byda  miała  fraj ( darmowy )bilet  na unibus i na cug (pociąg ) , ale jo yno roz zajechała do tyj szkoły, bo same pachoły( młodzieńcy, chłopaki )  tam boły, a jo jedna dziołcha. Padali mi eli bydam wagony na banhowie ( dworcu) rachować, abo kofry zortować ( walizki układać ) . Jużech wiyncyj tam nie pojechała.

Potym znodłach geszeft ( interes)  z taszkoma (torebkami).

Szyć roztomaite ( różne)  taszki to nie boło nic gupiego, ale jak ta baba mie łostro prziwitała i padała co mogam, a czego niy mogam, a  przed pyskym  pogrozioła  to żech sie  wystraszoła i uciykła.

Fontanna Plac Daszyńskiego Opole_ fot.Johanka

 Larma ( hałasu) boło w doma w pierony, bo to niby insze dziołchy już sie  szkoloły, yno my z kamratką jeszcze bomlowały( bimbały ) .

Muter  Ryjzi  padała krótko, jak sie pościelesz tak sie wyśpisz.

No, ale Ryjzi  glikło (udało się ) , bo gynał  jedna  beamterka (urzędniczka ) szukała kindermyjdli dlo bajtla (niani dla dziecka) i Ryjzi łosmoloła ( odpuściła sobie ) cały  fach, bo fajny geltag ( wypłata ) dostowała, ale moja muter nie łodpuścioła.

Pomoc rechtora

W końcu  uprosioła rechtora  ( nauczyciela) z Gymnazjum dlo tych co do roboty chodzą, kaj sztudowoł mój starszy brat, co by mnie wzieni, ale musiała podpisać zgoda, bo takich smarkatych dżistli ( dziewczyn) nie brali.

Fajnie boło, bo traktowali mie jak dorosło baba, ale bracik ( brat) durch ( ciągle ) mie na łoku mioł i dycki (wciąż) skarżoł matce.

Fontanna Plac Daszyńskiego Opole_ fot.Johanka

Wachowoł (pilnował ) co bych cygaretów (papierosów ) nie kurzoła ( paliła ) i z pachołoma nie zolytowała ( z chłopakami nie randkowała ).

Szkoła boła po połedniu no to na pora miesiyncy przimłach sie do kobiyty co na maszynach sztrykowała ( robiła na drutach ), za putzfrau (sprzątaczka )  i  kindermyjdla ( niania) , co by zarobić na siebie, bo bych musiała do połednia durch na polu robić, a jo do tego  grajfki ( zamiłowania – zdolności ) niy miała.

Pomogałach dużo, ale żodyn sie nie mog forsztelować ( wyobrażać )  jak nie ciyrpiałach tyj gospodarki. 

Wspomnień Hyjdli wysłuchała i zredagowała i przetłumaczyła na polski niektóre wyrażenia śląskie: Johanka

Wszystkie zdjyncia klipsnyła i wciepła na strona Johanka

ZOSTAW ODPOWIEDŹ

Proszę wpisać swój komentarz!
Proszę podać swoje imię tutaj