Dzisio zaś poczytocie jak to boło za starego piyrwyj ( dawniej), Hyjdla zaś mi pedziała pora fajnych wspomnień, razym my spisali i jest gryfnie ( ładnie).
Urlaub a bajtlami ( urlop z dziećmi)
Na urlaub my tyż kożdy rok z bajtloma jechali. Chop załatwioł w robocie tako mało drewniano chałpka w Ustroniu, kaj my tydziyń łodpoczywali.
To nie boło tak jak terozki pojeś mitag ( teraz zjeść obiad) w gospodzie i pysk utrzyć ( obetrzeć buzię ). Na ibrich ( zapas) piniyndzy nie boło, no to sama warzołach ( gotowałam) mitagi.
Mieli my auto (malucha) napakowali my fol ( dużo, do pełna) wszystkygo. Kwanty (ubrania) boły w kożdyj dziurze.
Na zicu (siedzeniu ) kaj trzi bajtle ( troje dzieci ) siedziały i pod zicym, a na dachu boły biksy ( puszki) i krałzy ( słoiki) z roztomaitym jodłym ( z różnym jedzeniem).
Mitagi na wakacjach
Warzołach na kochrze ( gotowałam na kuchence turystycznej) , a w prodiżu piykłach zisty (babki ) i insze maszkyty ( słodycze) .
Mieli my tyż butla z gazym. Ta moja familio (rodzina) miała tam łogromny apetit.
Nie zdonżołach pomyć po mitaku ( umyć naczyń po obiedzie) , a już wołali ło jedzyniy. Kożdy dziyń pod wieczor śli my tyż na dobry kejks (ciastko) ze szlakzaną ( bitą śmietaną) do kafejki DELICJA.
To dopiyro boła wielko szpana ( wydarzenie, coś niebywałego) tak pomaszkycić ( zjeść coś przepysznego ) .
Nojwiykszo radość boła z pluskanio w wodzie. Kożdy wczasowicz żoł po swojymu i żodyn nie boł ajferzichtik ( zazdrosny) i sie nie pośmiywoł jak przy rzyce na butli gazowyj warzołach zupka dlo bajtli, abo kafej (kawa) dlo nos.
Gumifilce z Rajchu
Roz my guminioków zapomnieli dlo nojmodszyj cery (córki ) , a w gorach przeca dugo rosa, no to łowinołach dziołsze nożki chadrą ( ścierką ) łoblykłach nelonowe bojtle ( woreczki nylonowe) i zandalki (sandałki) , co by się mogła w piosku grać ( bawić w piasku).
Miastowo dziołszka pado; a co ty masz na nóżkach? ale nasza 3-latka boła mondro i pado, to take nelonowe gumifilce z Rajchu ( nylonowe gumofilce z Niemiec).
Koniec czynści trzeciej, nieskorzyj bydzie czworto!
Wspomnień Hyjdli wysłuchała i spisała na potrzeby strony, zredagowała Johanka
Richtig fajne ksionżki ło Ślonsku i nie tylko znojdziecie sam.