Bez moje miasto Zawadzkie, przepływo rzyka Mała Panew, ale my na niom godomy Mapalana.

Malapana_fot.Johanka

ZA BAJTLA

Za bajtla, kiej jo jeszcze boła szkolorzym, boła fest śmierdzonco, połno piany na niej boło, bo KZCP w Kaletach. zrzucały ścieki rajn do rzyki. W PRL nie boło takiego dbania o ekologia jak terozki. Żodyn nie wahtowoł.

Kej te zakłady plajtły, rzyka zaczyła sie odrodzać. No może nie jest richtig na sto procent dobrze, ale idzie ku lepszymu. Licza, co jak jo już byda omom, bydzie czysto.

WIELKO POWÓDŹ

Kej boła wielko powódź w 1997 roku, potym w 2010 rzyka sie fest wyczyściła i niewtore brzegi sie zmieniły, bez tyn szwong wody.

NA DECE NAD RZYKOM….

Malapana_fot.Johanka

Jak jo miała 3-5 lot, jeździołach na kole z rodzicami nad Malapana, brali my deka i lygali i sie łopalali. Do rzyki jo nie mogła włazić, bo jak pisałach, łona była czorno i śmierdziała. Bawiołach sie w piosku ,miałach plastikowy ajmer i graczki. Moi rodzice byli modzi, nie mieli wiela piniedzy, to boł taki wypoczynek na świeżym lufcie.

fot.Johanka
Malapana, z zadku naszo huta , nieftorych budynków, już nie ma , zdjyncie jest archiwalne.fot.Johanka
fot.Johanka
fot.Johnka
fot.Johanka
fot.Johanka

TURYSTYKA POŁNOM GAMBOM

U nos w Zawadzkim i okolicach,terozki som takei firmy, co urzondzają spływy kajakowe, kiere sie cieszom popularnościom.

W tyj czynści Malapany, kaj jo chodziłach i chodza, to Nadleśnictwo Świerkle, tukej boł taki feszter kiedy bardzo dboł ło las.Teroz na pamiątka o tyj czynści lasa godomy jego mianem.

Bez Malapana boł mostek, taki wonski, jo miałach pieronowy lynk jechać po nim na kole, bo deski sie ruszały , terozki go ni ma.

Drugi taki drewniany boł na drodze na kierunek Pawonków, no terozki nie ma. Downyj droga na tyn most wiedła bez huta , droga była bez huta, kole Czadnic, kierych tyż nie ma.

Wszystko jest inaczyj, niż boło. A jo chca przybliżyć wom downe czasy.

Johanka

zdjęcia: Johanka

ZOSTAW ODPOWIEDŹ

Please enter your comment!
Please enter your name here