Jak jo skończyła liceum, łod razu szukałach roboty.

moja robota we hucie,lata 90 te archiwum rodzinne fot. Johanka

W doma nie boło geltu (pieniędzy) coby sztudirować ( studiować ) i jo łod razu wiedziała, co trza robić. Poszłach do huty we naszym mieście.

Tako frela ( pani ) z srogim kokiem mi pedziała, dziołcha, a co ty umiysz? Jo po prowdzie pedziałach, że na razie nic, boch ino szkoła skończyła, no świadectwo ze czerwonom piskom ( z czerwonym paskiem ) to tom, to chyba nie jest żech gupio:)

widok na hutę, archiwum prywatne Johanka, lata 90te

Łona sie ośmioła i spytała czy poradzam rachować ( liczyć ) dobrze. Pedziała, cobych jechała do Długopola Zdrój, we Ponikwie naszo huta mioła dom wczasowy i w pierony kempingów. Miałach być intendentym.

Tu my jeździli po warzywa.rok 1989 _ Bystrzyca Kłodzka, archiwum prywatne Johanka

No i jo pojechałach, dziołcha łosiymnoście lot staro. We łośrodku robioła pani Iryna. Łona mi fest pomogała i boła dlo mie jak matulka. Nie kazała sie tropić ( martwić ) i wszystko richtig ( naprawdę ) szło OK. Boł tam kierowca Janek a potym Irek , ze huty.

Łoni byli po 3 tydnie kożdy, zawdy ze mnom kierowca jeździoł po żymły ( bułki) , chlyb ( chleb) i wszelki futer ( jedzenie )- miynso, wuszty (kiełbasy), warzywa.

No i żech łod razu podpadła, żech Ślonżoczka, boch sie zażyczyła na podwieczorek dlo bajtli (dzieci) pracowików naszyj huty, kierzy tu byli na koloniach, cołkie pudełko KREPLI ( pączków). Sprzedowaczka w Bystrzycy Kłodzkiej blank (całkiem) nie mogła pojonć, co jo chca, a kiedyś pedziała, że nie ma ” kołoczków”, a jo jej pokazała rynkom , że som, a łona na to że to drożdżówki. A godajom, że podróże kształcom, a pieronie nie nauczyli sie tukej naszyj godki :).

Jak dalyj mi szło we robocie napisza wom jutro.

Pyrsk Ludkowie!

Johanka

ZOSTAW ODPOWIEDŹ

Please enter your comment!
Please enter your name here