Godej po śląsku z Johanką_literka a-b cd.

0
1155

Downo żech nie pisała, ale powia wom, ze czowiek taki zalotany, że ni ma nia nic czasu, durch z doma do roboty , lotom jak mucha na wiosna.

Witanie czowieka przi robocie

Najpierw wom powia, jak sie wito takiego czowieka przi pracy na Śląsku. My godomy Boże pomogej a łon odpowiado: Dej Panie Boże.

A terozki zaś wom porozprawiom o naszyj godce.

Zaczynomy od literki A, te wyrazy, co rzech jeszcze nie łobgodała….

Nojpierw mi sie kojarzy amolok to je taki bombon ( cukierek) miyntowy; abfal (błąd), achtlik (ósma część czegoś), ajmer (wiadro).

Kej robicie parapetówka to je anwajong. Kożdy co kurzy (pali) cygarety ( papierosy) mo aszymbecher ( popielniczka).

Jak pójdziecie na handel ( targ) to kupicie nieroz augustki (jabłka papierówki), kiere trzeba łobmyć we ausgusie ( zlewie) z marasu ( brudu).

Jest u nos fajne powiedzynie:Ty mosz anong!Dejcie pozór ( uważajcie) , to łoznaczo, żeście som gupcy ( są głupi).

Niewtorzy ludzie som akuratni ( prawidłowy, taki jak trzeba ).

Łon jest akuratny jak szokuladki Ritter Szport :); używomy tyż określeń: abo= albo; aji=nawet, także , również;aże-że; aż

Terozki literka B, te wyrazy, co rzech jeszcze nie łobgodała….

Na literka B kojarzy mi sie pora rzeczy: babrać =brudzić;bachraty =pękaty, wybrzuszony; jak ktoś mo ruby( gruby) brzuch to godomy: ale mosz bas! A basok -to brzuchacz . Bebok=ktoś brzydki.

Niewtorzy mówiom łod rzeczy – bamoncom ( bamoncić ); ale jak ftoś godo co mu sie bamonto we gowie to łoznaczo kręci w głowie a bamontny=oszołomiony, z zawrotami głowy.

Bakać mo dwa znaczynia= ciynżko pracować ( alech sie dzisio nabakoł ) abo kurzyć cygarety ( palić papierosy).

Jechać bele kaj, to jechać byle gdzie. Nie byda bele kaj robioł ( nie będę byle gdzie pracować). Bele jak -byle jak.

Baloniok– wóz z gumowymi kołami, oponami; belek;balek =belka;barches=słodko bułka; barzoła barzoły, barzelisko= mokradła abo bagno; blomwaza ( wazon ), buła ( guz, opuchlizna), blaza =odcisk, pęcherz np. po wędrówce; byrna=żarówka; blizablajfer=piorunochron;błozny= żarty; bojtlik, bojltliczek =torebka ( papierowa);bonclok=garnek gliniany;boliłoczka = kwiaty jaskry;bolok= miejsce bolące, siniak, wrzód;brele=okulary

Określenia czynności na B

Beblać =mówić od rzeczy. „Już sie zawrzyj , bo yno beblosz a beblosz!” ale blukać, blakac = gadać bzdury;bulknonć coś =palnąć głupstwo; bulknonć sie =topić; butlować =hałasować; biglować =prasować błozować= wygłupiać się np. robić kogoś za błozna ( żartować z kogoś).Belontać =mieszać, kiwać , majdać ,dyndać np.cosik mi sie belonto kole szłapów (coś mi dynda koło stóp);berać opowiadać bajki, blyndować (oślepiać);bodnąć sie ( ukłuć )

Imiona i inksze ciekawe na B

Bercik=Hubert;Norbert,Robert

Betlyjka= stajenka betlejemska

Byfyj =kredens

Beztydziyń= w ciągu tygodnia.

Na beztydziyń jymy ino zupa żur abo wodzionka!

Biczym po zadku – tak wołano na Śląsku, kej bajtle ( dzieci) na wozie konnym usiadły bez pozwolenia, żeby się „karnąć” czyli przejechać .

Już terozki widza, aże nie szafna ( nie zdołam ) łobgodać wszystkiego na B, zatym, do nastympnego felietonu !

Zapraszom !

Pyrsk kochani Ludkowie!

Johanka

fot.Johanka

ZOSTAW ODPOWIEDŹ

Proszę wpisać swój komentarz!
Proszę podać swoje imię tutaj